இருட்டின் நிறங்கள்
===================================================ருத்ரா
படுக்கையில் புர ண்டு புரண்டு படுத்தேன்
இந்த இருட்டின் நிறம் என்ன?
கறுப்புக்குள்
இத்தனை நிறங்களா ?
கறுப்பு தான்
இந்த பட்டாம்பூச்சிகளின் கருப்பையா?
அந்த அடர்ந்த இலைக்கொத்துகளிடையே
புழுக்கூடுகள் ஆடுகின்றன.
மின்னலைக்கொண்டு நெய்த
சிறகுகள்
புடைக்கின்றன.
விடை க்கின்றன.
நான் தூக்கத்தின் பாதாளத்துள் வீழ்கின்றேன்.
மெல்லிய நூலாம்படைகள்
என்னைச் சுருட்டிக்கொள்கின்றன.
யார்..எது
என்னை உறிஞ்சுவது?
நான் தப்பித்து விடுகிறேன்.
எல்லாவற்றிலுமிருந்து
வழுக்கிக்கொண்டு.....
எல்லாவற்றையும்
துளைத்துக்கொண்டு.....
என்னவாவது பெயர் சூட்டிக்கொள்ளுங்கள்.
ஹிக்ஸ் போஸான் ?
நியூட்ரினோ?
நோபல் பரிசுகளின் கர்ப்பத்திலிருந்து
நான் பிய்த்துக்கொண்டு வருவேன்.
சவ்வுப்படல பிரபஞ்சம் எனும்
"ப்ரேன் காஸ்மாலஜி"யின்
கணித சூத்திரங்களில்
படுத்துக்கொண்டிருந்த போதும்
புதிய பிரபஞ்ச வெளிச்சமாய்
நான் வருவேன்.
அதோ சங்கு ஒலித்து விட்டது.
கூடு பிய்த்துக் கொண்டது.
வர்ணப்பிரளயம்
ஒரு பூதாகரமான தூரிகையால்
மலையிடையே சிறகு விரித்தது.
நான் யார்?
இருட்டின் கருப்பா?
இருட்டின் நிறங்களா ?
=========================================================
கருத்துகள் இல்லை:
கருத்துரையிடுக