நான் ஒரு ஏ ஐ விஞ்ஞானி
___________________________________
சொற்கீரன்
நான்
கொஞ்சம் இறங்கி
ரோட்டோரம்
அந்த மரக்கிளையில்
என் ஹெல்மெட்டை மாட்டி விட்டு
சிறு அவதியை
சரி செய்து விட்டு
மீண்டும் பைக்கை ஸ்டார்ட் செய்து
ஹெல்மெட்டை மறந்து
கிளம்பி விட்டேன்.
அப்புறம் ஞாபகம் வந்து
அங்கு மீண்டும் வந்து
அதை எடுக்க முனைந்தேன்.
அது பிசுக் பிசுக்கு என்று
மரக்கிளையோடு ஒட்டிக்கொண்டு
வர மறுத்தது.
என்ன இது..
திடுக்கிட்டேன்.
மரத்திலிருந்து உதிர்ந்து கிடந்தன அவை.
இலைகள் இல்லை அவை.
பூச்சருகுகள் இல்லை அவை.
ஒடிந்த குச்சிகள் இல்லை அவை.
அவை யாவும்
எழுத்துக்கள்.
எழுத்துகளால் ஆன கட்டுரைகள்.
கட்டுரைகளாம் ஆன விஞ்ஞாங்கள்.
இன்னும்
சிறுமூளை பெருமூளை படங்களுடன்
ஆராய்ச்சிக்கட்டுரைக் காகிதங்கள்.
ஆம்.
நான் ஒரு ஏ ஐ ஆராய்ச்சி விஞ்ஞானி.
மிச்சத்தை
அந்த "ஹெல்மெட்டிடமே"
கேட்டுக்கொள்ளுங்கள்.
_____________________________________________
இந்த கற்பனையும் சேர்ந்து தான்
அந்த மரத்தடியில்
குவிந்து கிடக்கின்றன.
___________________________________
கருத்துகள் இல்லை:
கருத்துரையிடுக