அப்பாவுக்கு நினைவு தினம்.
______________________________________ருத்ரா
"நேற்று நீ சின்ன பாப்பா..
இன்று நீ ..அப்பபா..!"
களிப்பின் உச்சத்தில்
பாட்டு கேட்டுக்கொண்டிருந்த
என் தலையில் வந்து விழுந்தது
அந்த படம்
கயிறு அறுந்து.
என்னப்பா!
தலை அடிபட்டு விட்டதா?
படத்தில் இருந்து
என் அப்பா கேட்டார்.
அப்பாவை நினைவுகூரும் விதம்
இப்படி சினிமாத்தனமாகவா
இருப்பது?
என்று நீங்கள் கேட்பது புரிகிறது.
சின்னத்திரை..பெரியத்திரை..
பெரியத்திரைக்கும் பெரிய திரையாய்
அகன்று போய்விட்ட
அந்த ஆத்மா சாந்தியடையட்டும்
என்று
புள்ளி வைத்து பொட்டு வைத்துவிடுகிற
நினவு அல்ல அது.
அது ஒரு பொறி.
அந்த அன்பு கொழுந்துவிட்டு
எரிந்து கொண்டே இருக்கும்.
அப்பப்பா!
_________________________________________________
கருத்துகள் இல்லை:
கருத்துரையிடுக