கொஞ்சம் கிட்டே வா!
___________________________________________சேயோன்.
சூரியனே
கொஞ்சம் கிட்டே வா!
உன் கன்னத்தை வருடிக்கொள்கிறேன்.
தர்ப்பைப்புல் மந்திரங்களால்
உன்னை கிச்சு முச்சு மூட்டிக்கொண்டிருந்தபோது
கடைசியில் சுண்டல் பிரசாதம்
குருட்டாம்போக்காய்
ஒரு கணிதம் சொன்னது.
கடவுள் என்ற ஒன்றை
மனிதன் புரிந்து கொள்ளவே கூடாது
என்பது தான் அது.
இன்று அறிவியல்
உன்னை என் மேஜை மீது
"போன்ஸாய்" போல்
முகம் காட்டிச்சொல்கிறது.
உன் நெருப்பின் சிவப்பு
வெட்கத்தினால் அல்ல.
என்னை தினம் தினம் பார்த்து தான்
நீ சன்னலை திறக்கவேண்டுமா?
உன் அறிவுக்குழம்பில்
நான் இந்த நாட்களை
உனக்கு உருட்டி விளையாடுவது
தெரியாமால்
அந்த ருத்திராட்சங்களையா
நீ இன்னும் உருட்டிக்கொண்டிருப்பது?
கொஞ்சமாய் செல்லமாய்
நீ சிவப்பது தான்
அந்த மின்காந்தப்புயல்களின் செங்கரு
என்று புரிந்து கொண்டு விட்டோம்
நாங்கள்.
அண்டத்தின் இந்த பாதையில்
நாம் கைகோர்த்தே செல்வோம் வா.
__________________________________________________
https://www.msn.com/.../the-inouye.../ss-AA1c0GOw...
WITH THANKS FOR THE LINK
கருத்துகள் இல்லை:
கருத்துரையிடுக