ரஜினியின் தனி வழி
========================================ருத்ரா
ரோட்டில்
மண்டை காய
அந்த குங்குமக்கலர் துண்டுகளை
வாயால் சப்பி
விதைகளை நாவால் நீவி
நீக்கி
தின்றுகொண்டிருந்தேன்.
என் குடியுரிமை என்பது
இப்படி
தர்ப்பூசணிகளோடு
செல்லமாய் நக்கி நக்கி
சுவைக்கும்
உரிமையும் சேர்த்தது தானே.
இதற்கு ஏன்
மக்கள் தொகை பதிவேடுகளில்
ரத்தக்களரிகள் போல்
அந்த சந்தேக வினாக்கள் ?
எட்டாயிரம் சமணர்களை
மரணத்தில் ஏற்றிய
அந்த கழுமரங்களா
இப்போது வினாக்களாய்
என் பின்னே
துரத்தி வருகின்றன?
"அதெல்லாம் ஒண்ணுமில்ல கண்ணா!
என்
"அண்ணாத்தெ"யிலெ
அந்த "தனி வழி" இருக்கும்.
காத்திரு."
அதென்ன
சூப்பர் ஸ்டாரின்
விரல் முத்திரையா?
அல்லது
நச்சுப்புகை "கேம்ப்"களுக்கு
கை காட்டும்
மர்ம முத்திரையா?
=========================================================
கருத்துகள் இல்லை:
கருத்துரையிடுக