ஒரு சாக்கலேட்.
==============================================ருத்ரா
கையில் அழகிய
சாக்லேட்டை வைத்துக்கொண்டு
அந்த வண்ணக்காகிததைக்கூட
இப்போது பிரிக்கவேண்டாம்
அதன் வழியே ஊடுருவி
அந்த வண்ணமய இனிமைப்பிழம்பின்
கனவுப்பிசிறல்களை
கற்பனையாய் நக்கிச்சுவைக்கும்
குழந்தையைப்போல்
மூடிக்கிடக்கும்
உன்
புன்னகைக்கீற்றுகளை
பார்த்துச்சுவைக்கின்றேன்.
அது வரை
போலியாய் காட்டும்
உன் இறுக்க மௌனத்தையும்
தாண்டி தாண்டி
என் மேகங்களை
உன் மீது உலா விடுகின்றேன்.
அது வரை
உன் பார்வைக்குள்
ஒரு பர்தாவை நெய்து
அணிந்துகொண்டிருக்கிறாயே
அதன் அசைவுகளில்
என் இதயத்துடிப்புகளையும்
நெய்து கொண்டு
காத்திருக்கின்றேன்.
காத்திருப்பு என்பது
உன் அன்புக்கடல்.
அதில் துளி துளியாய்
நீந்திக்களிக்கின்றேன்.
உன் கொந்தளிக்கும் அலைகளை
மட்டும் நிறுத்திவிடாதே
==========================================
கருத்துகள் இல்லை:
கருத்துரையிடுக