கொரோனா

கொரோனா
================================================ருத்ரா

வைரலாகப் பரவுகிறது
உன் "ஸ்டேடஸ்".
கோடிக்கணக்கில் லைக்குகள்.
விண்ணின் கூரையிலிருந்து]
கூவுகிறாய்.
ஆனால் யாரோ
போட்ட ஸ்டேட்டஸ் இது.
டி.என்.ஏ அல்லது
ஆர்.என்.ஏ
என்று ஒரு புனைபெயரில்
போட்டாலும் போட்டான்
அது வைரலுக்கும் வைரலாக‌
பரவி
உலகத்தையே சுருட்டி மடக்கி
உட்காரவைத்து விட்டதே.
கணினி அறிவை
உள்ளங்கையில் உருட்டிவைத்துக்கொண்டு
சகுனிகளாய் மாறி
சொக்கட்டான் உருட்டினாயே!
விஞ்ஞானம் இன்னும்
விளங்கவில்லையே உனக்கு?
சமுதாய மானிடம் என்பது
ஒரு சமுதாய சமதர்ம இதயத்தை
இயக்கவைப்பது?
அந்த ஆர்.என்.ஏ
அம்பு தொடுத்து விட்டது.
வெறும் மயிர்த்துளை காமிராக்களும் க்ராஃபிக்ஸ்களுமாய்
மற்றும் "கில்லிங் ஸ்பிரிட்டை"வளர்க்கும்
கேம்ஸ் கிட்டுகளுமாய்
இந்த அறிவியல் களஞ்சியத்தை
இனியாவது
குப்பை மேடு ஆக்கும்
நோயிலிருந்து நீ விடுபடும் வரை
ப்ரோடோபிளாசம் எனும் உயிர் எழுத்து இல்லாமல்
சைடோபிளாஸம் எனும் வெற்றெழுத்தை
வைத்துக்கொண்டு
உயிர் போலவும்
உயிரற்றது போலவும்
வியூகம் கொண்ட இது
உன்னை துரத்திக்கொண்டிருக்கிறதே.
இன்னும் கார்ப்பரேட் பனிப்போரில்
நீ
காணாமல் போய்விடாதே!
மனிதா!
அச்சம் தவிர்!
எழுச்சி கொள்!
உன் உயிரியல் வேதியல்
துருப்புச்சீட்டை
இறக்கிவிடு.
கடவுளும் சைத்தானும்
விளையாடும் ரம்மி விளையாட்டு இது!
எச்சரிக்கை கொள்!
கடவுளையே நான் கடவுள் இல்லை
என்று
இந்த விளையாட்டிலிருந்து
விலக வை.
மூடத்தனம் எனும் சைத்தானை
முடக்கிப்போடு.
உன் பரிணாமம் பல‌
கொள்ளை நோய்களிலிருந்து
மீண்டு
மலர்ந்து வந்திருக்கிறது.
உன் அறிவு மழிக்கப்பட விடாமல்
கூர்மை கொள்.
நேர்மை கொள்.
கடமை ஆற்று
மடமைகளைக்கடந்த‌
மகத்தான மனிதனாக!

==============================================================