அரசியல் ஒரு சாக்கடையா?

அரசியல் ஒரு சாக்கடையா?
========================================ருத்ரா



அரசியல் ஒரு சாக்கடையா?
ஆம்
சாக்கடை தான்.
சாதி மதம்
மனிதன் பேராசை.
மானிடப்பண்புகளை
வெறும்
மாமிசப்பிண்டங்களாக்கி
கூறு போடும்
வியாபாரக்கூச்சல்கள்
மானுடத்தின் சவப்பெட்டிக்கு
ஆணிகளை
ஒவ்வொன்றாய் அடித்து
அலங்கரிக்கும்
விளம்பரக்கூப்பாடுகள்
பொய்யை
கடவுளாக்கி
மனிதர்களை கசாப்பு செய்யும்
தந்திரங்கள்
...................
இவையெல்லாம் சாக்கடை தானே !
இவற்றில் நெளியும் புழுக்கள்
என்றாவது ஒரு நாள்
புயல்கள் ஆகிடுமோ?
என்ற நம்பிக்கைகளும்
இங்கே
நெளிந்துகிடக்கின்றன.
புயல் வீசும்போது
பார்க்கலாம்.
அது வரை இது இங்கே
சாக்கடை ..சாக்கடை ..சாக்கடையே தான்.

================================================