தலை நிமிர் தமிழா!
_____________________________________ருத்ரா
தமிழன் என்று சொல்லடா.
கண்ணாடி பார்த்துக்கொண்டாவது
அன்றாடம் நீ சொல்லடா.
உன்னையே மரக்கடித்து
கல்லும் மண்ணும் ஆகி நீயும்
காற்றாய் மறையும் முன்
விழித்து எழு தமிழா நீ
விழித்து எழு தமிழா நீ!
பிலவ போய் சுபகிருது..
இன்னும்
அந்த சனாதன உச்சிக்குடுமி
வாத்தியார் போட்ட
சமஸ்கிருத "இம்போசிஷனையா"
உச்சரித்து உச்சரித்து
எழுதிக்கொண்டிருக்கிறாய்?
தலைகுனிந்து நீ
இதை நீ கிறுக்கிக்கொண்டிருந்தது
போதும்!
தலை நிமிர் தமிழா!
தமிழ் "வருஷம்" வந்ததென
இந்த "சித்திரையை" நீ
எப்படி ஒலித்தாலும்
நித்திரை தான் அது உனக்கு.
விழித்தெழு தமிழா விழித்தெழு!
____________________________________
கருத்துகள் இல்லை:
கருத்துரையிடுக