யார் அந்த பொது எதிரி?
லஞ்சமா?
லஞ்சத்தையே வஞ்சமாய்
லவட்டிக்கொண்டு
அரசியல் நடத்துவதா?
சாதி மத வெறுப்பு அரசியலா?
சதுர்வர்ணத்துக்கு குஞ்சம் கட்டி
பல்லக்குத்தூக்கி பார்டி நடத்துவதா?
கணினிப்பொறியை
ஜனநாயக பூதம் காட்டி
அதற்கு கண்ணுக்குத்தெரியாத
ஹிட்லரின் நறுக்குமீசையை
ஒட்டவைத்து
மக்களை துப்பாக்கிகளின்
தீனியாக்குவதா?
ராமர் கோத்ரமா?
ராமர் கோயிலா?
கனல் வீசும் கருத்துக்குள்
சுடர் பூக்கும்
திராவிடத்தமிழனே!
உன் மண்
உன் காலடியிலேயே
செல்லரித்து
உன் மொழி உன் செவிகளின்
சாட்சியிலேயே
சமக்கிருத சமாதிக்குள்
புதைந்து போகும்
இந்த புற்றுநோய்ப்போக்கின்
வரலாற்றுச் சிதைவு
உன் புறநானூற்றுக்
குருத்தெலும்பைக் குதறுவது
தெரியவில்லையா?
"யார் பொது எதிரி?"
உன் பொது எதிரியை
அந்த ஊடகக்காரர்களின்
சோழி குலுக்கிப்போடும்
பிரசன்னத்திலா
பார்த்துக்கொண்டிருக்கப்போகிறாய்?
நீ விழிதெழ வேண்டிய தருணம் இது.
இந்த ஓட்டுகள்
அதன் மேதமேடிகல் டிக்டேடர்ஷிப்புக்குள்
மோதிச்சிதறுண்டு...போவதற்குள்
வீறு கொள் தமிழா?
விட்டு விடாதே
உன் தமிழ் எனும் உயிர் காக்கும்
அறப்போர் தனை?
______________________________________
ருத்ரா
கருத்துகள் இல்லை:
கருத்துரையிடுக