"வேலன்டைன்"
____________________________________ருத்ரா
காதல் விளையாட்டுக்கு
கொலைவாள் நீட்டுகின்ற
கொடிய மனம் படைத்தவர்களே!
பிரம்மம் என்றால் அதை
"கசாப்பு செய்தா
பார்க்கத்துடிக்கிறீர்கள்?"
அன்பு கசியும் உள்ளங்களில்
பளிங்கு போல் தெரிவதை
சுக்கல் சுக்கலாக்கி
சுக்கலாம்பரதர கந்தல் கூளங்களைக்கொண்டு
குப்பை மேடு ஆக்கும்
நச்சு ஆட்டங்களை நிறுத்திக்கொள்ளுங்கள்.
"காதலாகி கசிந்து கண்ணீர் மல்கி..."
என்ன? காதலா?
வெறிக்கும்பல் மரணத்தீயைக்
கொட்டிக்கவிழ்த்ததில்
பிரம்மம் கூட சாம்பலாய்
எழும்பி புகைந்து போனது!
______________________________________________
கருத்துகள் இல்லை:
கருத்துரையிடுக