கலைடோஸ்கோப்
====================================ருத்ரா
வருமானவரித்துறை
கண்ணும் லென்சும்
கலந்த கலவையில்
கொசு கூட
"டி ரெக்ஸ்" டினோசார்.
______________________________________
பினாமி
ஓட்டுகள் எண்ணி
அம்பத்தொன்று விழுக்காடு வந்ததும்
சர்வாதிகாரமே
ஜனநாயத்தின் பினாமி.
________________________________________
ரெய்டு
அரசியல் ஷரத்துகளின்
வைக்கோல் போரில்
போட்டு போட்டு
தேடிக்கொண்டிருக்கும்
"ஊசி" விளையாட்டு.
__________________________________________
பொருளாதாரவளர்ச்சி
ஏழு சதவீதம் என்றால்
அரை வயிற்றுச் சாப்பாடு.
எட்டு சதவீதம் என்றால்
கால் வயிற்று சாப்பாடு.
____________________________________________
கருப்புப்பணம்
பணம் எனும் கருவி
என்ன செய்யும்?
பொருளாதாரம்
கொள்ளைக்கருப்பாக
இருக்கும்போது!
______________________________________________
கருப்பு தினம்
நள்ளிரவில் பெற்ற சுதந்திரம்!
தினம் தினம் இரவுக்கனவில்
கருப்பாய்த்தான் தெரிகிறது.
______________________________________________
கருத்துகள் இல்லை:
கருத்துரையிடுக