அல்ல.. அல்ல..
_____________________________________________ருத்ரா
அரபு நாடுகளின் குப்பைத்தொட்டிகளில்
வேறு குப்பைகள் போட இடமில்லை.
நம் நாட்டின் பெருமிதம் எல்லாம்
அதில் நிரம்பிக்கிடக்கின்றன.
நம் நாட்டில்
மாற்று மதத்தினரை அவமதிக்கும்
சொற்கள் எல்லாம்
உலக அரங்கில் நம்மை
தலை குனிய வைத்துவிட்டன.
அந்த குப்பைத்தொட்டியில் கிடப்பது
அவர் இல்லை.
நம் வந்தேமாதரமும்
பாரத் மாதா கி ஜெய் யும் தான்.
யாரோ உதிரிகள் உதிர்த்த சொற்களுக்கு
பாரதம் எப்படி பொறுப்பாகும்?
மீண்டும் இத்தகைய
வாய்ச்சவடால் ஊடகங்களின்
ஊளைகளும் இங்கு
நிறுத்தப்படுவது இல்லை.
நம்மை ஆளும் பிரதமரின்
கட்சிக்கு "குரல் கொடுப்பவர்களா" உதிரிகள்?
இந்தியா இப்படி
அவமானப்படுத்தப்படுவது
கடும் கண்டனத்துக்கு உரியது.
அந்த "இறையாண்மை"க்குளத்தில்
இப்படிக்கல் எறிந்தவர்கள்
அதை விடப்
பெரும் கண்டனத்துக்கு உரியவர்கள்.
"ஜனநாயகம் சர்வாதிகாரமாய் ஆகி விட்டது"
அப்படியா?
அதற்கு காரணம் நான் அல்ல.
என் "அட்மின்".
இப்படி
"நான் அவனில்லை"
என்று பிலிம் காட்டுவதை
எப்போது நிறுத்தப்போகிறீர்கள்?
அரசியல் சாணக்கியம் என்று
அழிச்சாட்டியம் செய்வது
அழகுடைமை அல்ல.
அறிவுடைமை அல்ல.
________________________________________________________
கருத்துகள் இல்லை:
கருத்துரையிடுக