விக்ரம் 2
___________________________________
ருத்ரா
உலகநாயகன்
கமல்
நடிப்பின் உலகத்தை
தன் கைக்குள் சுருட்டி மடக்கி
வைத்து விரித்து விரித்தும் காட்டிடுவார் என்று
காட்டி விட்டார்.
அவர் முக ரேகைகளில்
அற்புதம் விரிக்கும்
ஜேம்ஸ் வெப் டெலஸ்கோப்பின்
அதி அற்புத இமேஜ்கள்!
அதை நடிப்பு என்று
கொச்சைப்படுத்திக்கொண்டிருப்பதை
இனி நாம் நிறுத்திக்கொள்ளவேண்டும்.
கமல் சூரியா
இருவருமே
ஒரு வானமும் சூரியனுமாய்
மாறி மாறி வந்து
நம்மை திகைக்க வைக்கிறார்கள்.
உணர்ச்சிகளின் லாவா
பிழிந்து துவைக்கப்பட்டு
உலர்த்தப்படுகிறது அந்த பிலிம் சுருள்களில்.
படத்தின் வசூல் கூட நம்மை
திகில் கொள்ள வைக்கிறது.
பாகுபலி பாகுபலி என்று
கிராஃபிக்ஸ் களின் பொம்மைக்காட்சிகள்
அவ்வளவு வசூலை குவிப்பது ஒன்றும்
வியப்பல்ல.
இந்தப்படத்தின் கோடிரூபாய்களின்
ஒவ்வொரு பைசாவுக்குள்ளும்
பல கோடிகள் குவிந்து கிடக்கும்.
கதையே உயிரும் உடலும் கொண்டு
நரம்பு துடித்து
அந்த ரத்த ரங்கோலிக்குள்ளும்
பல சர்வதேச விருதுகளைக்குவிக்கும்
ஒரு சிறந்த ஆர்ட் ஃப்லிமாவும்
இந்தப்படம் உலா வருவது
அதிரடியான ஒரு புதிய பரிமாணம் தான்.
லோகேஷ் கனகராஜ் எனும்
அந்த இன்விசிபிள் ஹேண்ட்
ஒரு ஒப்பற்ற அதிசயம்.
உயிர்மை நிறைந்த ஒரு ஆக் ஷன் கதை
அடிதடிகளின் இரத்த விளாறுகளுக்கு இடையே
குழந்தையின் மெல்லிய ஒரு பூவின் முத்தமாய்
நம்மை சிலிர்ப்பூட்டுகிறது.
நடிப்பின் ஒரு தேசிய மியூசியத்தை
நம் தமிழ்நாட்டில்
நிறுவி உயர்ந்து நிற்கிறார் கமல்!
இதன் முன்
பாரத ரத்னா கூட
ஈயம் பித்தாளைக்கு பேரீச்சம் பழம்
என்று தான் கூவும்.
அது சரி!
நடிப்பின் இந்த மாபெரும் பொக்கிஷம்
இப்படி
மானா நீனா மய்யன்னா வென்று
தேர்தலின்
சந்தை இரைச்சல்களில்
மலிவாக்கப்படவேண்டுமா?
_______________________________________________
கருத்துகள் இல்லை:
கருத்துரையிடுக