உனக்கு ஓட்டுப் போடலேனா
அவர்களை என்னைப்
பார்க்க விடாமல்
கதவைப் பூட்டிக்கொள்வாயா?
இப்படித் தான்
நான் எல்லோராலும் பார்வையால் கூட
தீட்டுப்பட்டு விடக்கூடாது என்று
வர்ண வர்ணமாய்
பூட்டு சாவிகளை
வைத்துக் கொண்டிருக்கிறாய்.
அயோத்தி கோயிலில்
ஒரு சீற்றம் கேட்டது.
சிலை இல்லை.
வில் வளைத்து அம்பு எய்யும்
ஒலியும் கேட்டது.
இது ராவணனுக்கு அல்ல.
இலக்கிய ராமனை
இலவச ராமன் ஆக்கிய
அந்த கொச்சையான
வியாபாரிகளை நோக்கிய
அம்பு அது.
-------------------------------------------------------------
ருத்ரா.
கருத்துகள் இல்லை:
கருத்துரையிடுக