நெஞ்சம் கிழிந்ததே.
நெகிழ்ந்த அந்த இடைவெளியைத்
தைக்க என்
ஊசி நினைவுகளைத் தேடினேன்.
அழகிய ரோஜாவின்
அந்த முட்கள்
ரத்தம் கசிய கசிய
தையலைத் தொடர்ந்தது.
தையலும்
தொடர்ந்து தொடர்ந்து
வீசிய விழித்தூண்டில்களில்
இன்னமும்
துடித்துக்கொண்டு தான்
இருக்கின்றேன்.
அவளா இன்று இந்த
சொற்களை வீசி வீசி என்னைத்
துண்டு துண்டாக்குகின்றாள்.
காதல்
வாழ்க்கையின் வறண்ட
எலும்புக்கூடுகளின்
பாலைவனத்தில் பயணிக்கும் போதும்
"பசுஞ்சோலை"களின்
தண்ணிழல் வரிகளை தன் மீதின்
சாட்டை அடிகளில்
சாகாத இனிப்புகளாய்
சப்பு கொட்டிக்கொண்டிருக்கிறது !
----------------------------------------------------------
"கீட்ஸ்"யன்
கருத்துகள் இல்லை:
கருத்துரையிடுக