கலர்க்கனவுகள்
=====================================================
ருத்ரா இ.பரமசிவன்
பச்சைக்காட்டுக்குள் ஒரு
பவளக்காடு.
கலர்க்கனவுகளின்
அருவியிலே
வாழ்க்கை அர்த்தம்
தேடுகின்றேன்.
வைக்கோல் படப்பில்
விழுந்த வைர ஊசியை
தேடுவதே வாழ்க்கை!
வாழ்க்கை அந்த வைரத்தின் ஊசியா?
இல்லை மந்தைகள் மேயும்
இந்த
வைக்கோல் படப்புகளா?
பச்சையும் சிவப்பும் கண்ணாடிகள்.
கழற்றி விட்டால்
வாழ்க்கை வெறும்
கருப்பு வெள்ளைப் படங்கள் தான்.
===============================================
கருத்துகள் இல்லை:
கருத்துரையிடுக