வெள்ளை அடிப்போம் வாருங்கள்!
==========================================ருத்ரா
நீண்ட வலி.
ஊமைப்பாட்டுகள்.
முக்கல் முனகல்கள்.
குறுக்கே ஓடுகிறது
காட்டாறு எனும்
மே பதி"னாறு"....
முடிவு தெரியும்
எண்களின் அக்கரை அது.
முடிவின் முனையே தெரியாத
எண்ணங்களின் இக்கரை இது
மின் பொறியில்
குஞ்சு பொரிக்க காத்திருக்கும்
"வாக்கு முட்டைகள்".
மராமரங்களுக்கு
முன்னாலும் பின்னாலும்
இங்கு
அம்பு விடுவது
வறுமை அரக்கனும்
லஞ்ச அரக்கனும் தான்.
கொசுக்களை அடித்து அடித்து
குவித்து பழகி விட்டார்கள்.
தேர்தல் தோறும்
புதுப்புது கொசுக்களாய்
ரெக்கை முளைத்த
குண்டூசிகளின் மழை.
கை பேசி முக நூல்
தொலைக்காட்சி என்று
விளம்பர மழை
விளாசித்தள்ளியதில்
நாலாயிரம் நாய்க்குடைகள்
வரவேற்க காத்திருக்கின்றன
இந்த
இருட்டுச்சித்திரங்களை.
அறுபத்தேழு ஆண்டுகளாக
கருப்பு வானத்தை
வெள்ளையடிக்க
கொடிகள் கட்டிக்கொண்டிருக்கிறார்கள்.
ஆனால்
இருட்டில் ஒன்றும் தெரியவில்லையே!
சுண்ணாம்புக்கு பதில்
கையில் ஏந்தியது
கனவுகள் கந்தல்களாகிப்போன
"தார்"ச்சட்டியை அல்லவா?
============================================
கருத்துகள் இல்லை:
கருத்துரையிடுக