அரக்கு மாளிகை
----------------------------------------ருத்ரா.
எப்படி
சுத்தி சுத்தி வந்தாலும்
ஓட்டுக்கான "வசந்த விழா"
விரைவில் தொடங்கி விடும்.
பல கட்டங்களில்
பகடைக்காயாக
மக்கள் உருட்டப் படலாம்.
அந்த பழைய சகுனிகள்
அதர்மமாய் பகடை
உருட்டியிருக்கலாம்.
ஆனால்
இவர்களின் பகடைகளே
அதர்மம் தான்.
சாதிகள் வர்ணத்தீ
மூட்டிக்கொண்டதில்
மனிதம் சாம்பலானது.
மூட்டிய தந்திரங்கள்
மந்திரங்களில்
மகுடம் சூட்டிக்கொண்டு
ஆள வந்திருக்கிறது.
அதே பட்டன் தான்.
அதே தட்டல் தான்.
இந்த மாயக்குதிரையை
தகர்த்து எறியுங்கள்.
உங்கள் வரலாறுகள்
தொலையும் முன்
உங்கள் வழிகளை
மீட்டெடுங்கள்!
-----------------------------------------------
கருத்துகள் இல்லை:
கருத்துரையிடுக