உலக முதியோர் தினம்.
__________________________ருத்ரா
காலை 8 மணிக்காரன்
பகல் 12 மணிக்காரனை விட
முதியவன் தான்.
இந்த தேசத்தில்
இன்னும்
பஞ்சாங்கத்தைக்
கட்டிக்கொண்டே தான்
குழந்தைகள் பிரசவிக்கின்றன.
இளைய பாரதமே வா வா ..
என்று எழுதுவதற்குள்
முதுகெலும்பு இற்று விழுகின்ற
முதுமைக்குப்பைகள் தானே
இங்கே ஈசல்களாய் கிடக்கின்றன.
பிறந்திருக்கிறோம்
என்ற ஓர்மையே இல்லாத
இந்த காட்டிடையே
நான்கு வர்ணக்காட்டுத்தீ
பற்றி எரிந்த போதும்
மரத்துக்கிடக்கும்
மண் புழுக்களுக்குமா
இந்த உலக தின விழா
தோரணங்கள்?
________________________________
.
கருத்துகள் இல்லை:
கருத்துரையிடுக