அந்தக்குரல்
கேட்டுக்கொண்டே இருக்கிறது.
எங்கிருந்து?
யாரிடமிருந்து?
எதைப்பற்றி?
என்ன...என்ன
என்ன சொல்கிறாய் என்று
நான் இடைமறிப்பது உண்டு.
என்னப்பா?
நான் உன்னிடம் ஒன்றும் பேசவே இல்லையே!
நான் சுதாரித்துக்கொண்டு
என் முகத்தில் வழிந்த அசடு
துடைக்கப்பட முயற்சிக்கும் போது
வியர்த்து கொட்டி விடுகிறது.
பில்லியன் ஆண்டுகளாய் நீண்ட
அண்டத்தின் அந்த நரம்போட்டத்தின்
அகர முதல வரைக்கும்
அந்த கேள்வி வியர்வையின் நெருப்புத்துளி
நீள்கிறது.
இந்த தொப்பூள்கொடியின்
இந்த முனையும் அந்த முனையும்
உரசிக்கொள்ளும்
விஞ்ஞானமே நம் மெய்ஞானம்.
__________________________________ருத்ரா
கருத்துகள் இல்லை:
கருத்துரையிடுக