தோழர் பால்டேவிட் பொற்செல்வன் அவர்களே
சொற்செல்வனைத்தான்
உங்களிடம் பார்த்தேன்.
பொற்செல்வனைப்பார்க்கவில்லை.
பால் நினைந்து ஊட்டுவது
தாய்மை மட்டும் அல்ல
நட்பும் தோழமையும் கூடத்தான்
பால் டேவிட் அவர்களே.
என் பேனாக்களில் கவிதைகள்
வழியும்போது
அவை உங்கள் புன்முறுவலையும்
அன்பான வாசிப்பையும் தேடியே
பெருகி ஓடும்.
பாட்டாளிகளின் இயக்கத்தில்
இந்த "பாட்டாளி"களும் கொஞ்சம்
எரிமலை ஊற்றின்
வாசனையை காட்ட முடியும்
என்று
நாம் அன்று ஒலித்த குரல்கள்
இன்றும் எதிரொலிக்கிறது.
இந்த இளையதலைமுறைக்கு
மகுடம் இன்னும்
உங்கள் சீரிய தொண்டில் தான்
என்று நான் அறிவேன்.
அன்புடன் உங்களை வாழ்த்தும்
செங்கீரன்
(இ.பரமசிவன்)
_______________________________________________
கருத்துகள் இல்லை:
கருத்துரையிடுக