கனவுகளை
காய்ச்சி வடித்து
குத்து டான்ஸ்
ஊறுகாயும்
பஞ்ச் டையலாக்கும்
சேர்த்த சரக்குகளின்
நிழலாட்ட க்கிட்டங்கிகளே
சினிமா சினிமா சினிமா.
பொழுது போக்கு
குடை ராட்டினங்களின்
காதல் காளான் குடைகளின்
நாய்க்குடைகளிலா
உங்கள் லட்சிய நிழல்கள்
கூடு கட்டும்?
நம் அவலங்களின்
நடப்புகளையெல்லாம்
மரக்கடிக்க
மறக்கடிக்க
போடும்
போதை ஊசிகள் தான்
மசாலாப்படங்கள்.
அரசியல் எனும் வெளிச்சம்
படாத
கொசுக்கிடங்குகளில்
டூயட்டுகள் பாடி
நமக்கு நாமே
அரிதாரம் பூசிக்கொள்வது தான்
சினிமா எனும்
"கச்சா பிலிம்" காடுகள்.
விடியல் தேடி
வாக்கு ஏந்தி வருபவர்களே
கானல் நீர் ஈசல்களே
விழித்தெழுங்கள்.
உதிரப்போகும் உங்கள்
சிறகுகள் மூடி
விசில்கள் எனும் சில்லரைச்
சத்தங்களில்
தோலைந்து போய் விடாதீர்கள்.
அட்டைக்கதாநாயகனா உங்கள்
அடைக்கலம்?
விழித்தெழுங்கள்
______________________________________
சொற்கீரன்
கருத்துகள் இல்லை:
கருத்துரையிடுக